قصيدة بعنوان
لون الدم
بقلم الشاعرة
سهام سامى
 |
سهام سامى |
لون الدم
*********
ازاى يا لون الدم بتبعتر قلوب
و تسرفل الدمعه الحزينه
جوه ضحكة ألف توب
لو كان وجود عَندنا
تكفير ذنوب
روح قولهم توبنا
دا مهما ان يطول الصبر
مين وسطنا أيوب؟
*****
يا صوت الصراخ اللى اتولد بين ألف أم و أم
قاسى على قلوبنا و زارع غيطان الهم
ازاى يا لون الدم قادر تبتسم
وسط الورود الحُمر
يا فَرح يا خالى الدَسَم
قول خدنا ايه م العُمر
----
ابنى اللى كان حلمه يعيش مستور
بَص ف مرايتك يا وطن
لموه إزاز مكسور
شحنوا رصيد قلبى عليه أحزان
قالوا الشهيد ابنك
فانا قلت مات انسان
------------
ليست هناك تعليقات:
إرسال تعليق